شعب بريس جريدة إلكترونية مغربية _ نسا الهمّ ينساك 30 غشت 2011
    شعب بريس مرحبا بكم         كثرة الصور التفصيلية تمنع الأطفال من فهم النص             توقعات بنهاية عصر النفط             دراسات تحذر من خطر قلة النوم             سلا.. فتح تحقيق لتحديد ظروف وملابسات تورط شرطي في قضية نصب            

  

إعلانات

         
 


أضيف في 30 غشت 2011 الساعة 10 : 09

نسا الهمّ ينساك 30 غشت 2011





 

 

 

 

 

واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو

جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟

قال ليه الشاب: ولكن أ عمي، المسكة ضرورية من بعد ما يكمي الواحد كارو

قال ليه الراجل: هي كتكمي؟

قال ليه الشاب: شوية وصافي، مع شي كويس ديال الشراب

قال ليه الراجل: وزايدها كتسكر؟

قال ليه الشاب: مرة مرة، ملي كنقمر

قال ليه الراجل: وفين كتلعب القمار؟

قال ليه الشاب: ف واحد الكاباري

قال ليه الراجل: ومن إمتى ونتا كتمشي للكاباريهات؟

قال ليه الشاب: من نهار خرجت من الحبس

قال ليه الراجل: وعلاش دخلتي الحبس؟

قال ليه الشاب: حيت ضربت واحد الراجل بالموس وقتلتو

قال ليه الراجل: وعلاش قتلتيه؟

قال ليه الشاب: حيت ما بغاش يجوجني بنتو

قال ليه الراجل: على بركة الله، نجيبو العدول دابا

--------------------------------------------------

هادا واحد الفلاح جات عندو صحفية تسولو على البقر

قالت ليه: أشنو كتوكل البقر ديالك؟

قال ليها: شكون فيهم؟ البيض أولا الكحل؟

قالت ليه: البيض

قال ليها: كنعطيهم العلف

قالت ليه: والكحل؟

قال ليها: حتى هوما كنعطيهم العلف

قالت ليه: وفين كتدير البقر ديالك

قال ليها: شكون فيهم؟ البيض أولا الكحل؟

قالت ليه: البيض

قال ليها: كنديرهم ف الحوش

قالت ليه: والكحل؟

قال ليها: حتى هوما كنديرهم ف الحوش

قالت ليه: إيلا سرحتي بالبقر ديالك فين كتديهم؟

قال ليها: شكون فيهم؟ البيض أولا الكحل؟

قالت ليه: البيض

قال ليها: كنسرح بيهم حدا الواد

قالت ليه: والكحل؟

قال ليها: حتى هوما  كنسرح بيهم حدا الواد

تعصبات الصحفية وقالت ليه: واش نتا فينما نسولك كتقول ليا واش البقر البيض أولا الكحل ونتا داير ليهم كولشي بحال بحال؟

قال ليها: لا، لحقاش البيضين دياولي

قالت ليه: والكحلين؟

قال ليها: حتى هوما دياولي





شروط التعليق في الموقع

اضغط هنـا للكتابة بالعربية 

( لوحة مفاتيح اللغة العربية شعب بريس )

 

 

 

 

 

 

 

 

 

 

 

 

 

 

أضف تعليقك على هذا الموضوع
* كاتب التعليق
* عنوان التعليق
  * الدولة
* التعليق



اقرأ أيضا

على فــــراش المـــوت

مرا مشكاكة

شيفور الطاكسي

مجوج

الطوبيس

ضرب الولد الصرصور

رواد الفيسبوك يتهكمون على عيوش باختلاق إمتحانات بالدارجة

الكود

مزرعة أبقار

ممحاة ديال ستاشرمية





 
  

إعلانات

                
  الرئيسية اتصل بنا  اعلن معنا   تنويه   انضمو لنا بالفايس بوك  شركة وصلة